बिर्तामोड । मेची महाकाली बुहारी संयुक्त आवाजकी केन्द्रिय अध्यक्ष यमु शर्मा सुब्बाको वैवाहिक बर्षगाँठको अवसरमा विद्यार्थीलाई स्वेटर वितरण गरिएको छ ।
माङ्सेबुङ–४, इलामस्थित विद्या सिर्जनात्मक माध्यमिक विद्यालयमा अध्ययरत प्राथमिक तहका विद्यार्थीहरुलाई विहिबार एक कार्यक्रमका बिच स्वेटर वितरण गरिएको मेची महाकाली बुहारी संयुक्त आवाज झापाकी सचिव कबिता थापाले जानकारी दिइन । थापाका अनुसार संस्थाकी अध्यक्षको वैवाहिक बर्षगाँठको अवसर पारेर उपाध्यक्ष चन्द्रा काफ्लेले स्वेटर वितरण गरेकी हुन ।

कार्यक्रममा बुहारी संयुक्त आवाजकी झापा उपाध्यक्ष गंगा भट्टराई, सचिव थापा, कोषाध्यक्ष परु सुवेदी, सदस्य सिमा अधिकारी, दमक उपशाखा संयोजक जमुना निरौला, कोषाध्यक्ष जुनु भट्टराई, सदस्य अनु ओडारी र शिक्षिका रिता आचार्यको उपस्थिति रहेको थियो ।