बिर्तामोड । झापाको मेचीनगरबाट अवैध काठसहित दुईवटा ट्याक्टर प्रहरीले बरामद गरेको छ । मेचीनगर १ गाडागल्लीबाट शुक्रबार २५० क्युफिट अवैध सखुवाको काठसहित मे १ त ७८५४ र मे १ त ३७४० नम्बरको ट्याक्टर बरामद भएको प्रहरीले जनाएको छ ।

इलाका प्रहरी कार्यालय काकरभिट्टा र प्रहरी चौकी तिरिङ खोलाबाट गएको प्रहरी टोलीले पातापुरबाट ल्याउँदै गरेको उक्त परिमाणको काठ बरामद गरिएको जिल्ला प्रहरी कार्यालय झापाका प्रवक्ता डीएसपी वसन्त पाठकले जानकारी दिए । काठको दुई लाख पचास हजार र ट्याक्टरको १८ लाख मूल्याङ्कन गरी आवश्यक कारबाहीको लागि डिभिजन वन कार्यालय चन्द्रगढी झापामा बुझाइएको प्रहरीले जनाएको छ ।