बिर्तामोड । वीरता लेडी जेसीजले १५ वर्ष पछि नेपाल जेसीजको राष्ट्रिय उपाध्यक्षमा उम्मेदवारी दिएको छ ।

निवर्तमान अध्यक्ष स्वस्तिका आचार्यलाई  वीरता लेडी जेसीजले नेपाल जेसीज वर्ष २०२३ का लागि राष्ट्रिय उपाध्यक्षको उम्मेदवार बनाएको हो ।

आउँदो पुष ७ देखि १० गते सम्म वीरगन्जमा हुने नेपाल जेसीजको राष्ट्रिय महाधिवेशनमा आचार्यले उपाध्यक्ष पदका लागि प्रतिस्पर्धा गर्ने आज आयोजीत पत्रकार सम्मेलनमा अध्यक्ष संगिता चिमरियाले जानकारी दिइन् ।

सन् २००४ मा स्थापित वीरता लेडी जेसीजको इतिहासमा सन् २००७ मा देवि भण्डारीले राष्ट्रिय उपाध्यक्ष पदमा विजय हासिल गरेकी थिइन् ।

सन् २०१० मा वीरता लेडी जेसीजमा प्रवेश गरेदेखि सक्रिय भूमिका निर्वाह गर्दै २ पटक उत्कृष्ट जेसी अवार्ड बाट सम्मानित आचार्य गत वर्ष सन् २०२१ की शाखा अध्यक्ष हुन् ।

आफ्नो कार्यकालमा विभिन्न रचनात्मक र दीर्घकालीन कार्यकमको शुरुवात गरेकी आचार्य गत वर्ष नेपाल जेसीजबाट धेरै वटा विधामा सम्मानित समेत भएकी थिइन् ।

प्राध्यापक, संचारकर्मी तथा प्रशिक्षक आचार्यलाई अमूल्य मत दिई विजय गराइदिनु हुन अध्यक्ष संगिता चिमरियाले सबै जेसीजहरुलाई आग्रहसमेत गरिन् ।