बिर्तामोड । आइतबार हुने प्रतिनिधीसभा तथा प्रदेशसभाको निर्वाचनका लागि झापामा ६ लाख ६३ हजार ३११ जना मतदाता रहेका छन् । ३ लाख ३२ हजार २५९ जना महिला, ३ लाख ३१ हजार ४४ जना पुरुष र ८ जना अन्य रहेका छन् ।

पाँच संघीय निर्वाचन क्षेत्र, १० प्रदेशसभा क्षेत्र रहेको झापामा २८४ मतदानस्थल र ७६६ वटा मतदान केन्द्र रहेको जिल्ला निर्वाचन कार्यालय झापाले जनाएको छ ।

निर्वाचन क्षेत्र नम्बर १ मा ६० हजार दुई सय ३७ जना पुरुष, ६० हजार एक सय ३८ जना महिला गरी एक लाख २० हजार तीन सय ७५ जना रहेको जिल्ला निर्वाचन अधिकारी तुलसी नेपालले जनाकारी दिए । उनका अनुसार यो क्षेत्रमा ४५ वटा मतदानस्थल र एक सय ३४ मतदान केन्द्र छन् ।

यसैगरी क्षेत्र नम्बर २ मा ६६ हजार छ सय ५७ जना पुरुष, ६७ हजार चार सय २९ महिला र पाँच जना अन्य गरी एक लाख ३४ हजार ९१ मतदाता छन् । यो क्षेत्रमा ४९ मतदानस्थल र एक सय ५२ मतदान केन्द्र रहेको निर्वाचन कार्यालयले जनाएको छ ।

यसैगरी क्षेत्र नम्बर ३ मा ६६ हजार ६१ जना पुरुष, ६५ हजार तीन सय ७१ जना महिला गरी एक लाख ३१ हजार चार सय ३२ मतदाता छन् भने ६७ मतदानस्थल र एक सय ५५ मतदान केन्द्र छन् ।

क्षेत्र नम्बर ४ मा ६२ हजार २२ जना पुरुष, ६१ हजार एक सय एक जना महिला र अन्य एक गरी एक लाख २३ हजार एक सय २४ मतदाता छन् भने ६३ मतदानस्थल र एक सय ४९ मतदान केन्द्र रहेका छन् ।

त्यसैगरी क्षेत्र नम्बर ५ मा ७६ हजार ६७ जना पुरुष, ७८ हजार २२० महिला र अन्य दुई गरेर एक लाख ५४ हजार दुई सय ८९ रहेको र ६१ मतदानस्थल र एक सय ७६ मतदान केन्द्र रहेको जिल्ला निर्वाचन कार्यालय झापाले जनाएको छ ।

क्षेत्र नम्बर १ र ३ लाई सुरक्षा संवेदनशिल क्षेत्रको रुपमा लिइएको छ ।