बिर्तामोड । झापा बिर्तामोड–४ निवासी समाजसेवी गणेश खनालले स्थानीय सिद्धिविनायक भजन किर्तन मण्डलीलाई १ लाख १ हजार १ सय १ रुपैँया आर्थिक सहयोग गरेका छन् । खनालले मण्डलीले बिर्तामोड–४ स्थित मेघाबारी टोलमा निर्माण गरिरहेको गणेश मन्दिर तथा ज्येष्ठ नागरिक चौतारी एवम् सामुदायिक भवनका लागि सहयोग उपलब्ध गराएका हुन् ।

खनाल परिवारले आइतबार सो रकम निर्माण समितिका संयोजक भोलानाथ गुरागाईँलाई हस्तान्तरण गरेका हुन् । उनले सामाजिक कार्यमा सबैको मन जाओस भन्ने उद्धेश्यले सहयोग गरेको बताए । आफुले राज्यकोषबाट प्राप्त गर्ने पेन्सनको रकम बचाएर मण्डलीलाई सहयोग गरेको उनको भनाई छ । मानिस ज्युँदो छँदा समाजमा गरेका काम मृत्यु पर्यन्तपनि गहनाको रुपमा रहने भएका कारण सबैले सामाजिक काममा सहभागी हुनुपर्ने खनालको भनाई छ । 
खनालले नेपाल पत्रकार महासंघ झापा शाखाले स्थापना गरेको सहारा पत्रकार उपचार कोष, स्थानीय ज्येष्ठ नागरिक चौतारीलगायत विभिन्न संघसंस्थालाई सहयोग गर्दै आएका छन् ।