बिर्तामोड । सेभेनस्टार सेक्युरिटी सर्भिस प्रा.लि. स्थापनाको आठ बर्ष पूरा गरि नौ बर्षमा प्रवेश गरेको छ । कम्पनीले शनिबार एक  कार्यक्रम गरि बार्षिकोत्सव मनाएको छ ।

एक दशकबढी समयदेखि सुरक्षा व्यवसायमा आबद्ध झापाका युवा व्यवसायी रमेश बस्नेतले आठ बर्षअघि काठमाण्डौमा प्रधान कार्यालय रहने गरि सेभेनस्टार सेक्युरिटी प्रा.लि.को शुरुवात गरेका थिए । कम्पनीले हाल देशका अधिकांश सहरहरुमा सेवा प्रदान गरिरहेको बताइएको छ । कम्पनीले भरपर्दो र सुलभ ढंगबाट सेवा दिइरहेको सञ्चालक बस्नेतले बताए । सेभेन स्टारले प्रतिष्ठित कम्पनीहरुमा सेवा दिइरहेको कम्पनीले जनाएको छ ।