बिर्तामोड । हात्तीको आक्रमणबाट बिर्तामोडमा एकजनाको मृत्यु भएको छ । आज बिहानको राति ३ बजेतिर जंगली हात्तीको आक्रमणमा परि बिर्तामोड ७ फक्तालुङ टोल निवासी ५९ वर्षीय लोकप्रसाद लिम्बूको मृत्यु भएको हो ।

आफ्नै घरमा रहेका लिम्बू शौचालय जाने क्रममा हात्तीले आक्रमण गरेको स्थानीयको भनाई उदृत गर्दै प्रहरीले जनाएको छ । लिम्बूको घटनास्थलमै मृत्यु भएको र घटनाको कानुनी प्रक्रिया पूरा गर्ने काम भइरहेको इलाका प्रहरी कार्यालय अनारमनीका प्रमुख प्रहरी नायव उपरीक्षक विजय श्रेष्ठले जानकारी दिए ।

चालु आर्थिक वर्षमा हात्तीको आक्रमणमा परी झापामा ६ जनाको ज्यान गइसकेको छ ।