बिर्तामोड । नेकपा माओवादी केन्द्रले बिर्तामोड वडा नम्बर १० का पार्टी सचिव ध्रुव विष्टलाई कारबाही गरेको छ । विष्टले पार्टी अनुशासन विपरीत कार्य गरेको भन्दै कारबाही गरिएको हो ।

विष्टमाथि पार्टी नेतृत्वमाथि गाली गलौज गर्नुका साथै सार्वजनिक रुपमा खुइल्याउने ढंगले बारम्बार प्रस्तुत भएको आरोप छ । पटक–पटक सो बिषयमा छलफल गर्दा समेत विष्टको अराजक गतिविधी नरोकिएपछि बाध्य भएर विधानको भाग १४ को धारा ५२.१ को ‘क’ ‘छ ’ बमोजिम साधारण सदस्यसमेत नरहने गरि कारबाही गरिएको माओवादी केन्द्र बिर्तामोड नगर सचिव जगन्नाथ भट्टराईले जानकारी दिए ।