बिर्तामोड । नेकपा (माओवादी केन्द्र) निकट पत्रकार संगठन प्रेस सेन्टर नेपालका नवनिर्वाचित समितिलाई पार्टी अध्यक्ष पुष्पकमल दाहाल ‘प्रचण्ड’ले बधाई दिएका छन् । मंगलबार बिहान प्रचण्ड निवास खुमलटारमा उनीहरुलाई प्रचण्डले बधाई तथा शुभकामना दिएका हुन् ।

शनिबार र आइतबार काठमाण्डौमा सम्पन्न प्रेस सेन्टरको पाँचौं महाधिवेशनले नयाँ समिति चयन गरेको छ । अधिवेशनमा केहि पदमा सर्वसम्मत भएपनि अध्यक्ष लगायत केहि पदाधिकारी निर्वाचन प्रक्रियाबाट छानिएका थिए । कमल गिरीको अध्यक्षतामा ९९ सदस्यीय नयाँ समिति बनेको छ ।