झापा । आइतबार ‘ट्र्याकिङ डग’को सहायताले गोरखातर्फ त्रिशूली नदी किनारमा थप एक शव भेटिएको छ ।

सहिद लखन गाउँपालिका–३ स्थित त्रिशूली नदी किनारमा शव भेटिएको जिल्ला प्रहरी कार्यालय गोरखाका डीएसपी राजकुमार श्रेष्ठले बताए । उनका अनुसार आइतबार साँझसम्म गोरखातर्फ त्रिशूली नदी किनारमा ७५ वटा शव भेटिएका छन् ।

भेटिएका शवमध्ये तीन वटा अहिले प्रदेश अस्पताल गोरखा र एनपीआई अस्पतालमा राखिएका छन् । दुई वटा शवमा ट्याटु रहेकाले पहिचानको सम्भावना कायम राख्न व्यवस्थापन नगरिएको प्रहरीले जनाएको छ । यसअघि पनि ट्याटुको सहायताले एक शवको पहिचान भएको थियो ।