बिर्तामोड । बिहीबार राति दुई वटा मोटरसाइकल आपसमा ठोक्किएर भएको दुर्घटनाका अर्का घाइतेको निधन भएको छ । भद्रपुर-८ बस्ने कबिराज गिरीको छोरा वर्ष २५ को संजिप गिरीको मृत्यु भएको हो । सोहि दुर्घटनामा परि भद्रपुर १० का आलोक भण्डारीको बिहीबार राति मृत्यु भएको थियो । 

बिहीबार राति ९ः५० बजे भद्रपुर-१० हनुमान चोकस्थित चारआली चन्द्रगढी सडक खण्डमा चारआलीबाट चन्द्रगढी तर्फ आउदै गरेको प्रदेश १-०१-०१४ प ९९३ नम्बरको मोटरसाईकल र विपरित दिशाबाट जादै गरेको  मे ८ प २८३५ नम्बरको मोटरसाईकल एकआपसमा ठोक्किएर दुर्घटना हुँदा गिरी सख्त घाइते भएका थिए । उनको बिएण्डसी अस्पतालमा उपचारको क्रममा शुक्रबार ३ः५५ बजे मृत्यु भएको जिल्ला प्रहरी कार्यालय झापाले जनाएको छ ।

सो दुर्घटनामा परि घाइते भएका भद्रपुर नगरपालिका वडा नम्बर १० बस्ने वर्ष २४ को बिपान्सु राउतको उपचार पश्चात डिस्चार्ज भइसकेको प्रहरीले जनाएको छ ।