विराटनगर । कोशी प्रदेश सरकारले आगामी माघ ११, १२ र १३ गते गर्ने कोशी प्रदेश लगानी सम्मेलनको तयारी सुरु गरेको छ ।

कोशी प्रदेश मन्त्रिपरिषद्को बैठकले गत असोज १३ गते प्रदेश लगानीसम्बन्धी अवधारणा पत्र पारित गरेको थियो । त्यही अनुसार कोशी प्रदेश लगानी सम्मेलनको मूल आयोजक समिति निर्माण गरी काम सुरु गरिएको हो । आयोजक समितिको पहिलो बैठक शुक्रबार बसेको छ ।

पहिलो बैठकलाई सम्बोधन गर्दै मुख्यमन्त्री हिक्मतकुमार कार्कीले संघ सरकार, स्थानीय सरकार र निजी क्षेत्रको समन्वय र सहकार्यमा सम्मेलन सफल पार्नु पर्ने बताए । उनले ढुंगाभित्रबाट पनि पिपलको बोट उम्रिने बताउँदै प्रदेश सरकारसँग अनेकौँ चुनौती रहेपछि ढुंगामा पिपलको बोट उम्रिएजस्तै चुनौतीलाई पार गरेर अघि बढ्नु पर्ने बताए ।