बिर्तामोड । झापाको अर्जुनधारा नगरपालिका वडा नम्बर ७ स्थित बिरिङ खोलामा रहेको खुदुनाबारी–शनिश्चरे जोड्ने मोटरेवल पुल अविरल बर्षासंगै आएको बाढीले क्षति पुर्याएको छ शुक्रबार ४ बजे आएको बाढीले पुलमा क्षति पुर्याएको हो ।

पुलमा क्षतिपुगेपछि मानिस तथा सवारीसाधन आवागमनमा रोक लगाइएको प्रहरीले जनाएको छ । अर्जुनधारा नगरपालिका ७ मा रहेको फुलमति पुलबाट मिलडाँडाको वैकल्पिक मार्ग हुँदै सवारी साधनहरु आवागमन भई रहेको जिल्ला प्रहरी कार्यालय झापाले जनाएको छ ।

त्यस्तै कचनकवल गाउँपालिका वडा नम्बर १ कुट्टी बजारदेखि पुर्व सोमबारे बजार भेलामुनी टोल जाने अदुवा खोलामा रहेको काठको पुल अविरल वर्षाको कारण आएको बाढीले भाँचेको छ । पुलमा क्षति पुगेपछि आवतजावत अवरुद्ध भएको प्रहरीले जनाएको छ ।