बिर्तामोड । बितेको २४ घण्टामा सबैभन्दा धरै वर्षा झापाको चन्द्रगढीमा भएको छ । चन्द्रगढी विमानस्थलमा रहेको जल तथा मौसम विज्ञान विभागको मापन केन्द्रका अनुसार त्यहाँ ३.२ मिलिमिटर वर्षा भएको छ ।

बिर्तामोड–३,४,५ र ८ मा पानीले धेरै क्षेत्र डुबानमा परेको छ । अविरल बर्षाका कारण दर्जनौँ परिवार विस्थापित भएका छन् । अन्दुवा खोलामा पाँच बर्षयता कै धेरै पानीको बहाव देखिएको छ ।

कनकाई ३ र शिवसताक्षी ७ र १० मा खोलको पानी गाउँ पस्दा कैयन परिवार विस्थापित बनेका छन् ।

झापाको कचनकवन गाउँपालिकामा एउटा मोटरसाइकल बगाएको छ भने एक जना बालिका बेपत्ता बनेकी छन् । कचनकवल गाउँपालिका वडा नम्बर १ झकुवाटोलीकी १४ बर्षीया नेहारिका राजवंशी साइकलमा हिडिरहेको अवस्थामा जमुना खोलाले बगाउँदा बेपत्ता बनेकीछन् । त्यस्तै कमल गाउँपालिका वडा नम्बर १ बस्ने ३५ बर्षीय टिकाराम चौधरी कृष्ने खोलामा माछा मार्ने क्रममा खोलामा डुबेर बेपत्ता भएको जिल्ला प्रहरी कार्यालय झापाले जनाएको छ ।