बिर्तामोड । मनसुनी वायुको प्रभावका कारण केहि दिनदेखि लगातार परेको पानीले जनजीवन कष्टकर बन्दै गएको छ । पानीका कारण हिड्डुल र दैनिकीमा असहजता उत्पन्न गरेको हो ।

लगातारको बर्षाका कारण धेरै स्थान डुबानमा परेका छन् भने नदीहरुमा जलसतह बढेको छ । झापाको कनकाई, बिरिङ, अन्दुवा, मेचीलगायत खोलाहरुमा जलसतह उच्च रहेको छ । जल तथा मौसम विज्ञान विभागले एसएमएसमार्फत सतर्क रहन आग्रह गरेको छ ।

पानीका कारण हालसम्म  झापामा कुनै मानवीय घटना नभएको जिल्ला प्रहरी कार्यालय झापाले जनाएको छ । मौसम पूर्वानुमान महाशाखाका अनुसार अझै केहिदिन मनसुनी वायुको प्रभाव कायमै रहने जनाएको छ ।