बिर्तामोड । आज साँझ कोशी ब्यारेजबाट सप्तकोशी नदीमा खसेको यात्रुबसका सबै यात्रुको सकुशल उद्धार गरिएको छ ।

विराटनगरबाट उदयपुरको गाईघाटतर्फ जाँदै गरेको को १ ख ४६०१ नम्बरको नर्सिङ डिलक्स बस साँझ करिब ६ बजे यात्रुसहित सप्तकोशी नदीमा खसेको थियो ।

बस खसेको स्थानमा पानीको बहाब धेरै नभएकोले बसमा रहेका सबै यात्रुको सकुशल उद्धार गरिएको छ । बसका सबै यात्रुहरुको सकुशल उद्धार गरिएको सुनसरी प्रहरीका प्रवक्ता डिएसपी नविनकृष्ण भण्डारीले जानकारी दिए ।

बस सप्तकोशी ब्यारेजको ३४ र ३६ नम्बरको ढोकाको बीचबाट झरेको थियो । सुनसरीका प्रहरी प्रवक्ता नविनकृष्ण भण्डारीका अनुसार सबै यात्रुको सकुशल उद्धार गरेर उपचारको लागि पठाएको जानकारी दिए ।

बस अनियन्त्रित भएर पुलको बार भत्काउँदै नदीमा खसेको थियो । तत्काल सबै यात्रुको उद्धार गरिएकोले मानवीय क्षति नभएको प्रहरीले जनाएको छ ।