बिर्तामोड । झापाको बिर्तामोड नगरपालिका वडा नम्बर ६ स्थित कुमारी चोकमा मोटरसाइकलको ठक्करबाट एक जना पैदलयात्रीको मृत्यु भएको छ ।

मोटरसाइकलको ठक्करबाट बिर्तामोड ६ बुट्टाबारी निवासी ६२ बर्षीय यामबहादुर लिम्बुको मृत्यु भएको प्रहरीले जनाएको छ । सोमबार साँझ ८ बजे चारआलीबाट बिर्तामोडतर्फ आउँदै गरेको प्र १–०१–०१३ प २८०९ नम्बरको मोटर साईकलले पैदल यात्री लिम्बुलाई ठक्कर दिएको थियो । मोटरसाइकलको ठक्करबाट गम्भीर घाइते लिम्बुको बीएण्डसी अस्पतालमा उपचार भइरहेकोमा मंगलबार विहान २:४० बजे मृत्यु भएको जिल्ला प्रहरी कार्यालय झापाका सूचना अधिकारी प्रहरी नायव उपरीक्षक कृष्णकुमार चन्दले जानकारी दिए ।

मोटरसाइकल र चालक बुद्धशान्ति ४ बस्ने ३२ बर्षीय विकास लिम्बुलाई प्रहरीले नियन्त्रणमा लिएर घटनाको सम्बन्धमा थप अनुसन्धान गरिरहेको जनाएको छ ।