बिर्तामोड । झापाका दुई जना पत्रकार सम्मानित हुने भएका छन् । पत्रकारहरु प्रदिप परियार र विष्णुप्रसाद पौडेल सम्मानित हुन लागेका हुन् ।

प्रेस चौतारी झापाका उपाध्यक्ष तथा इजलास दैनिकका सम्पादक परियार र प्रेस युनियन माइपश्चिम अध्यक्ष तथा निष्कर्ष न्यूजका सम्पादक विष्णुप्रसाद पौडेललाई सिम्रिक बचत तथा ऋण सहकारी संस्थाले सम्मान गर्न लागेको हो । उनीहरुलाई आज बिर्तामोडमा आयोजना हुने बार्षिक साधारण सभाको अवसरमा सम्मान गर्न लागिएको संस्थाले जनाएको छ । बिर्तामोडस्थित आदर्श व्याङ्केटमा हुने कार्यक्रमका बिच उनीहरुलाई सम्मान पत्र तथा जनही नगद १० हजारसहित सम्मान गर्न लागिएको हो ।

पत्रकारीताको माध्यमबाट सहकारी क्षेत्रलाई उजागर गर्न विशेष भूमिका निर्वाह गरेको भन्दै उनीहरुलाई सम्मान गर्न लागिएको बताइएको छ ।