झापा । कोशी प्रदेशका मुख्यमन्त्री हिक्मत कार्कीले  असोज २ गते पुन विश्वासको मत लिने भएका छन् । तेस्रो पटक मुख्यमन्त्री बनेका कार्कीले नेकपा माओवादी केन्द्रले १४ भदौमा समर्थन फिर्ता लिएपछि दोस्रो पटक विश्वासको मत लिन लागेका हुन् ।

माओवादी केन्द्रको समर्थनमा संविधानको धारा १६८ को ५ अनुसार २७ बैशाखमा मुख्यमन्त्री बनेका कार्कीले पहिलो पटक बैशाख ३१ गते विश्वासको मत लिएका थिए ।  गत असार १७ मा एमाले–कांग्रेस गठबन्धन बनेपछि माओवादी केन्द्र सरकार छाडेर प्रतिपक्षमा पुग्यो ।

११ साउनमा माओवादी सरकार छाडेको माओवादीले १४  भदौमा सरकारलाई दिएको समर्थन फिर्ता लिएको थियो । समर्थन फिर्ता लिएको ३) दिन भित्र विश्वासको मत लिनुपर्ने संवैधानिक बाध्यता भएका कारण उनले विश्वासको मत लिन लागेका हुन् । प्रदेशसभामा कार्कीको पक्षमा दुई तिहाइ बहुमत छ ।

संविधानको धारा १६८ को उपधारा ५ अनुसार मुख्यमन्त्री बनेका कार्कीको दलसँग ४) सांसद छन् । सत्ता घटक काँग्रेसका २( सांसद छन् । प्रदेशमा बहुमतका लागि ४७ जना आवश्यक पर्छ ।

९३ सदस्यीय कोशी प्रदेशसभामा १३ सांसद रहेको माओवादी केन्द्र, ६ सांसद रहेको राप्रपाका, ४ सांसद रहेको नेकपा एकीकृत समाजवादी र एक सांसद रहेको जसपा प्रतिपक्षमा छन् ।