बिर्तामोड । प्रहरीले दुई जना लागूऔषध कारोबारीलाई पक्राउ गरेको छ । सोमबारसाँझ ६:३० बजे भद्रपुरस्थित मेचीपुलबाट उनीहरुलाई प्रहरीले पक्राउ गरेको जनाएको छ ।

प्रहरीले भद्रपुर नगरपालिका वडा नम्बर ८ हस्पिटल चोक बस्ने वर्ष २७ को मोहित साह र भक्तपुर सुर्यविनायक नगरपालिका वडा नम्बर ३ बस्ने वर्ष २८ को सन्दिप थापालाई पक्राउ गरेको हो ।  भारतबाट नेपालतर्फ मे१प ३२८७ नम्बरको मोटरसाइकलमा आउँदै गरेका साहलाई प्रहरीले भद्रपुरस्थित मेची पुलमा चेकजाँच गर्ने क्रममा उनको साथबाट प्लाष्टिक बाहेक १० ग्राम ९२ मिलिग्राम ब्राउन सुगर बरामद गरेको जनाएको छ । उनलाई सोधपुछ गर्ने क्रममा थापालाई दिन ल्याएको भन्ने बयानको आधारमा थापालाईसमेत पक्राउ गरि अनुसन्धान गरिरहेको जिल्ला प्रहरी कार्यालय झापाले जनाएको छ ।