बिर्तामोड । नेपालबाट भारततर्फ निकासी गर्दै गरेको अवस्थामा प्रहरीले सुपारी बरामद गरेको छ । सोमबार साँझ ७:३० बजे मेचीनगरबाट प्रहरीले अवैध सुपारी बरामद गरेको हो ।

मेचीनगर ६ पिङकी ठ्याकभन्ने ठाउँबाट प्रहरीले ३ सय किलो सुपारी अवैधरुपमा भारत निकासी गर्न लागेको अवस्थामा पक्राउ गरेको जिल्ला प्रहरी कार्यालय झापाले जनाएको छ । सुपारी अन्दाजी २ लाख ७० हजार मुल्यको रहेको प्रहरीको भनाई छ । बरामद भएको सुपारी मेची भन्सार कार्यालय काँकरभिट्टामा बुझाईने प्रहरीले जनाएको छ ।