बिर्तामोड । अमेरिकामा एकै पटक १२१ जना ब्राम्हण तथा विदुषीले भागवत पाठ गरेका छन् । अमेरिकाको इतिहासमै पहिलो पटक यति धेरै मानिसले भागवत पाठ गरेका हुन् ।

आइतबार १३ देखि ७८ बर्षसम्मका गुरु तथा विदुषीहरुले भागवत पाठ गरेका थिए । अमेरिकास्थित हिन्दु धर्म तथा सांस्कृतिक संगठन (ओएचआरसी) नामक संस्थाको आयोजनामा कार्यक्रम भएको सीएम निरौलाले जानकारी दिए । सोमबार ८० जना युवा पण्डितहरुलाई दिक्षित गर्ने कार्यक्रम रहेको उनले बताए ।

हेरिसबर्ग शहरमा आयोजित कार्यक्रमको पहिलो दिन ५० भन्दा बढी सवारीसाधन सजाएर प्रहरी प्रशासनको सुरक्षाघेरा बिच कलशयात्रा गरिएको थियो । उनका अनुसार अन्य दिनहरुमा धार्मिक तथा आध्यात्मिक प्रवचन तथा बिमर्श हुने गरेको छ ।