झापा । सर्वोच्च अदालतले नेपाल विद्युत् प्राधिकरणका दुई सञ्चालक सदस्यलाई हटाउने सरकारको निणर्य कार्यान्वयन नगर्न अन्तरिम आदेश दिएको छ । बिहीबार न्यायाधीश सुनिल कुमार पोखरेलको एकल इजलासले प्राधिकरणबाट हटाइएका दुई सदस्यहरूलाई काममा पुनर्बहाली गर्न समेत आदेश दिएको हो ।

यसअघि ऊर्जा, जलस्रोत तथा सिँचाइ मन्त्रालयले दुई सदस्यहरू कपिल आचार्य र भक्तबहादुर पुनलाई हटाएर उनीहरूको स्थानमा महेन्द्रबहादुर गुरुङ र देवेन्द्र कार्कीलाई नियुक्त गरेको थियो ।  मन्त्रालयले साउन १८ गते उनीहरूलाई पदबाट हटाएको थियो ।

सरकारले प्राधिकरणको सञ्चालक समितिबाट हटाइएपछि आचार्य र  पुन सर्वोच्च पुगेका थिए ।

अर्बौ बक्यौता रहेको उद्योगमा विद्युत लाईन जडान गर्न केपी ओलीले दिएको निर्देशन कार्यान्वयनमा असहयोग गरेका कारण आचार्य र पुनलाई सरकारले हटाएको थियो ।