बिर्तामोड । झापामा प्रहरीको हिरासतमा रहेका एक जना थुनुवाको मृत्यु भएको छ । मेचीनगर ७ पालिया टोल बस्ने २८ बर्षीय झकबहादुर खड्काको मृत्यु भएको हो ।

साउन १३ गते ५ ग्राम खैरो हेरोइनसहित पक्राउ परेका खड्काको १६ गते विहान मृत्यु भएको जिल्ला प्रहरी कार्यालय झापाले जनाएको छ । खड्कालाई इलाका प्रहरी कार्यालय काँकरभिट्टाको हिरासतमा राखिएको थियो । अदालतबाट पाँच दिनको म्याद थप गरि अनुसन्धान कै क्रममा रहेका खड्कालाई बुधबार १:४० बजे असहज भएको र उपचारका लागि आम्दा अस्पताल धुलाबारी  लगिएकोमा १:५५ बजे डाक्टरले मृत घोषणा गरेको प्रहरीको भनाई छ ।