बिर्तामोड । पूर्वका प्रख्यात लोक गायक एलपी जोशीको निधन भएको छ । बिहीबार राति ८:३० बजे जोशीको निधन भएको हो ।

दमकस्थित लाइफलाइन हस्पिटलमा उनको निधन भएको हो । दमक १ निवासी जोशीका ‘रिटिङ रिटिङ नबजाउ बिनायो….., वल्लो खोलो पल्लो खोलो….., बिनायोले मन मेरो छिनायो…..’ जस्ता लोक गीत चर्चित छन् ।

एलपी जोशीको पूरा नाम लक्ष्मीप्रसाद जोशी हो । उनी नेपाली लोकगीत क्षेत्रमा पूर्वेली लोकगीतका एक लोकप्रिय गायक हुन् । उनले आफै संकलन गरेर रेडियो नेपालमा गाएका गीतहरु अहिलेपनि उत्तिकै लोकप्रिय छन् ।

धनकुटामा जन्मिएका जोशीले दमकलाई कर्मथलो बनाएका थिए । उनी गायकसँगै एक कुशल चित्रकारपनि थिए ।