बिर्तामोड । पञ्चकन्या सोसाइटी तथा बिर्तामोड साना शहरी खानेपानी तथा सरसफाई उपभोक्ता संस्थाले सोमबार रक्तदान आयोजना गरेका छन् । पछिल्लो समय अस्पतालहरुमा देखिएको रगत अभाव टार्न रक्तदान आयोजना गरिएको हो ।

नेपाल रेडक्रस सोसाइटी बिर्तामोड रक्त सञ्चार शाखाको प्राविधिक सहयोगमा भएको रक्तदान कार्यक्रममा ५५ जनाले  रक्तदान गरेका थिए ।

बिर्तामोड-१ स्थित बिन्द्यावासिनी दुर्गा मन्दिर परिसरमा कार्यक्रम आयोजना गरिएको थियो । नेपाल रेडक्रस सोसाइटी झापाका सभापति लोकराज ढकालले कार्यक्रमको उद्घाटन गरेका थिए ।

बिर्तामोड साना शहरी खानेपानीका अध्यक्ष मेघराज बास्तोला र पञ्चकन्या सोसाइटीका अध्यक्ष ओमनाथ उप्रेतीको संयुक्त अध्यक्षतामा भएको उद्घाटन कार्यक्रममा स्वागत सोसाइटीका कोषाध्यक्ष बिष्णु चुडालले गरेका थिए ।