बिर्तामोड । झापाको मेचीनगर–३ धरधरे टोलस्थित सुकेनिन्दा खोलाको किनारामा एउटा हात्ती मृत फेला परेको छ । बिहीबार विहान अन्दाजी ९/१० बर्षको भाले हात्ती मृत फेला परेको हो ।

विहान ७:३० बजे स्थानीयले मृत हात्ती फेला पारी प्रहरीलाई खबर गरेका थिए । घटनास्थल सुरक्षित राखी थप अनुसन्धानका लागि डिभिजन वन कार्यालय, भद्रपुर र मेची सव डिभिजन कार्यालय धाइजनबाट फिल्ड कर्ण विश्वकर्मासहितको टोलीले अनुसन्धान गरिरहेको र पोष्टमार्टमका लागि कोशीटप्पु वन्यजन्तु आरक्ष सुनसरीबाट विशेषज्ञको टोली आउँदै गरेको प्रहरीले जनाएको छ ।