बिर्तामोड । आज जून २१ का दिन अन्तर्राष्ट्रिय योग तथा संगीत दिवस मनाउने गरिन्छ । संगीतले मानव जीवनमा पार्ने सकारात्मक प्रभाव र यसको महत्व स्मरण गर्दै हरेक वर्ष जून २१ तारिखका दिन विशेष सांगीतिक कार्यक्रम गरी विश्व संगीत दिवस मनाइन्छ ।

संगीत दिवसको सुरुवात सन् १९८२ मा फ्रान्सबाट भएको मानिन्छ । संगीतलाई जनमानसमा फैलाउने उद्देश्यले विश्वका १ सय १० भन्दा बढी देशमा संगीत दिवसको औपचारिक कार्यक्रम हुँदै आएको छ । फ्रान्सका तत्कालीन संस्कृति मन्त्री ज्याक ल्याङले सन् १९८१ मा सर्वप्रथम विश्व संगीत दिवस मनाउने अवधारणा सार्वजनिक गरेका थिए ।

संगीत दिवसको अवसरमा बिर्तामोडस्थित सप्तक संगीत विद्यालयले श्रष्टा सम्मानसहित सांगीतिक कार्यक्रम आयोजना गर्दैछ । विद्यालयले आज ३ बजेदेखि विद्यालय  परिसरमा कार्यक्रम आयोजना गर्न लागेको विद्यालयका फाउण्डर तथा प्रशिक्षक सरोज वत्सले जानकारी दिए । कार्यक्रममा विद्यालयका विद्यार्थीहरुले विभिन्न सांगीतिक प्रस्तुती दिने उनले बताए ।