बिर्तामोड । झापाको बिर्तामोडमा डा. योगी विकाशानन्दको निशुल्क ध्यान, योग तथा प्रवचन लाइभ प्रशारण हुने भएको छ । आदिवासी जनजाति महोत्सव स्थलमा मंगलबार बिहान ८ देखि साढे ९ बजेसम्म उक्त प्रशारण हुने भएको हो ।

ट्रष्ट टीम नेपालसँगको सहकार्यमा विश्व परिवार झापाको आयोजनामा कार्यक्रम हुन लागेको विश्व परिवार झापाकी संयोजक तथा ट्रष्ट टीम नेपाल योग तथा अध्यात्म विभागकी संयोजक रिना थापा मगर (मेहेर)ले जानकारी दिइन् । मानिसलाई अध्यात्मसँग जोड्न र तनावमुक्त बनाउन कार्यक्रम आयोजना गरिएको आदिवासी जनजाति महोत्सवका संयोजक दिपेन्द्र चौधरीले बताए ।

नेपाल आदिवासी जनजाति महासंघ नगर समन्वय परिषद बिर्तामोडको आयोजनामा माघ ९ गतेदेखि ३० गतेसम्म बिर्तामोड–५ स्थित मातामन्दिर नजिकमा महोत्सव आयोजना भइरहेको छ ।