ताप्लेजुङ । तीर्थयात्रीले पाथीभरामा चढाएको तामाबाट स्वागतद्वार बनाइने भएको छ । पाथीभरा क्षेत्र विकास समितिले चढाउने तीर्थयात्रीको समेत अपनत्व हुनेगरी स्वागतद्वार बनाउने तयारी गरेको हो । पाथीभरा क्षेत्र विकास समितिका अध्यक्ष रक्की थेवेले स्वागतद्वार मन्दिर क्षेत्रमै बनाउने तयारी भएको जानकारी दिए ।

क्षेत्र विकास समितिका कार्यकारी निर्देशक प्रजिन हाङवाङका अनुसार ६ हजार ५ सय ३९ किलो तामा समितिसँग रहेको छ ।

‘बिक्री गरेर आम्दानी बाध्ने या प्रयोग गर्ने भन्ने विषयमा छलफल भएको थियो,’ हाङवाङले भने, ‘क्षेत्र विकास समितिको बैठक र अन्य संघसंस्थाको सुझाव प्रयोग गरौं भन्ने आएकोले स्वागतद्धार बनाउने तयारी भएको हो ।’

यसअघि पाथीभरा देवी मन्दीर क्षेत्र संरक्षण तथा सम्वद्र्धन समितिले माथिल्लो फेदीमा पनि तामाकै द्वार निर्माण गरेको छ । तीर्थयात्रीले चढाएको तामाबाटै यो द्वार निर्माण गरिएको हो । काठमाण्डौबाट कालीगढ ल्याएर यही ढाँचामा तयार गरिने समितिले जनाएको छ ।