बिर्तामोड । कनकाई नगरपालिकाका विपन्न परिवारले न्यानो कपडा पाएका छन् । कनकाई नगरपालिका वडा नम्बर ६ ले विपन्न परिवारलाई न्यानो कपडा वितरण गरेको हो ।

६ नम्बर वडा कार्यालयले वडाका १५ विपन्न परिवारलाई आइतबार न्यानो कपडा वितरण गरेको वडाध्यक्ष दीर्घबहादुर थापाले जानकारी दिए । टोल विकास संस्थाको सिफारिसमा उनीहरुलाई कपडा वितरण गरिएको हो । ती परिवारलाई एक एक थान व्याङ्केट उपलब्ध गराइएको देविप्रसाद खनालले जानकारी दिए । वडा कार्यालयमा आयोजित एक कार्यक्रमका बिच उनीहरुलाई ब्ल्याङ्केट हस्तान्तरण गरिएको थियो ।

नगर उपप्रमुख आशा शिवाकोटीको प्रमुख आतिथ्यमा सम्पन्न कार्यक्रम वडाका कर्मचारी फडिन्द्रकुमार गिरीले सञ्चालन गरेका थिए ।   

सात नम्बर वडा कार्यालयले कपडा वितरण गर्दै

कनकाईका अन्य वडा कार्यालयले समेत विपन्न परिवारलाई न्यानो कपडा वितरण गरेको छ ।