बिर्तामोड । मेचीनगर लेडी जेसिज बर्ष २०२४ को नयाँ नेतृत्व चयन भएको छ । शनिबार सम्पन्न १०औँ बार्षिक साधारणसभाले पवित्रा विमली प्रसाईको अध्यक्षतामा नयाँ कार्यसमिति चयन गरेको हो । प्रसाई बर्ष २०२३ को कार्यकारिणी उपाध्यक्ष हुन् ।

सर्वसम्मत चयन भएको समितिको कार्यकारिणी उपाध्यक्षद्वय शकुन्तला ढकाल र एलिशा बुढाथोकी रिजाल रहेका छन् । त्यस्तै उपाध्यक्षहरु शर्मिला तिम्सिना, सुनिता कोइराला, गीता पौडेल -उर्मिला_ र लक्ष्मी कोइराला चयन भएका छन् ।

जम्मा १५ सदस्यीय कार्य समिति हुने भएपनि बाँकि महासचिव, सचिव, कोषाध्यक्षलगायत मनोनित पदहरु अध्यक्षले चयन गर्ने र पद हस्तान्तरणको दिन घोषणा गर्ने व्यवस्था रहेको छ ।

मेचीनगर लेडी जेसीजले आगामी बर्ष नेपाल जेसीज क्षेत्र क सम्मेलन मेचीनगरमा आयोजना गर्दैछ ।