बिर्तामोड । प्रहरीले दमकबाट तास खेलिरहेको अवस्थामा ११ जनालाई पक्राउ गरेको छ । दमक ७ हाटखोलास्थित कर्णबहादुर राईको घरबाट प्रहरीले उनीहरुलाई पक्राउ गरेको हो ।

बिहीबार साँझ साढे छ बजे विशेष सुचनाका आधारमा इलाका प्रहरी चौकी दमकबाट खटिएको टोलीले घरधनी ४१ बर्षीय कर्णबहादुर राई, दमक ७ बस्ने ४८ बर्षीय रत्नबहादुर बिश्वकर्मा, सुनसरी बराहक्षेत्र ५ का ४५ बर्षीय सुरेशकुमार विष्ट, धरान १३ का ४१ बर्षीय रविकुमार राई, धरान १४ बस्ने ४७ बर्षीय कृष्णप्रसाद पाठक, बिराटनगर १ का ५५ बर्षीय हरी पाण्डे, बराहक्षेत्र ५ का ४० बर्षीय प्रदिप गिरी, सोहि ठाउँका ३४ बर्षीय किशन घिमिरे, इटहरी १८ का २९ बर्षीय नरेश चौधरी र धरानका ३० बर्षीय करणबहादुर मगरलाई पक्राउ गरेको जिल्ला प्रहरी कार्यालय झापाका सूचना अधिकारी खगेन्द्रप्रसाद रिजालले जानकारी दिए ।

प्रहरीले उनीहरुको साथबाट तीन बुङ तास र ३ लाख ५३ हजार छ सय रुपैँया नगदसमेत बरामद गरेको जनाएको छ । पक्राउ परेकाहरुलाई इप्रका दमकमा राखिएको र आजै म्याद थप गरी अनुसन्धान गरिने सूचना अधिकारी रिजालले जानकारी दिए ।