बिर्तामोड । हरिबोधिनी अर्थात ठूली एकादशीको अवसरमा झापाका चार पालिकाले स्थानीय विदा दिएका छन् । भद्रपुर नगरपालिका, बाह्रदशी गाउँपालिका, हल्दिवारी गाउँपालिका र झापा गाउँपालिकाले हरिबोधिनी एकादशीको अवसरमा स्थानीय विदा दिएका हुन् ।

तीन वटा पालिकाले मंसिर ७ गतेलाई सार्वजनिक विदा दिएका छन् भने कचनकवलले ८ गतेलाई विदा दिने निर्णय गरेको छ । स्थानीय विदाका दिन पालिका र पालिका मातहतका वडा कार्यालयहरू, स्वास्थ्य संस्था, विद्यालय बन्द रहने सूचनामा उल्लेख गरिएको छ ।

हरिबोधिनी एकादशीमा तुलसीको विवाह गर्ने गरिन्छ । वर्षमा पर्ने चौबीस वटा एकादशीमध्ये सबैभन्दा ठुलो एवं महत्वपूर्ण एकादशी हो । त्यसैले यसलाई ठुलो एकादशी पनि भनिन्छ । हिन्दु धर्ममा एकादशीलाई भगवान् विष्णुको उपासना गर्ने पर्वको रूपमा लिइन्छ । आषाढ शुक्ल एकादशीको दिन क्षीर सागरमा सुतेका भगवान् विष्णु सोही दिन उठ्ने पुराणहरूमा उल्लेख गरिएको छ ।