बिर्तामोड । मेची राजमार्ग अन्तर्गत रोङ गाउँपालिकाको कोल्बुङमा बस दुर्घटना भएको छ । आइतबार साँझ सवा पाँच बजे बस दुर्घटना हुँदा ३५ जना घाइते भएको प्रहरीले जनाएको छ ।

धनुषाबाट कन्याम घुम्न आएर फर्किएको ना ६ प ८४२४ नम्बरको बस सडकबाट करिब २ सय मिटर तल खसेको जिल्ला ट्राफिक प्रहरी कार्यालय इलामले जनाएको छ । दुर्घटनामा परि घाइते भएका ३५ जना उपचारका लागि बीएण्डसी अस्पतालमा भर्ना भएको प्रहरीको भनाई छ ।

दुर्घटनाको कारण खुल्न सकेको छैन भने घाइतेहरुको विवरण आउने क्रममा रहेको प्रहरीले जनाएको छ ।