बिर्तामोड । झापामा विभिन्न समयमा भएको आगलागीबाट ७३ लाख ४ हजार बराबरको क्षति भएको छ । कात्तिक १३ गतेदेखि मसान्तसम्म भएका आगलागीका घटनाबाट सो मूल्य बराबरको क्षति भएको हो ।

सो अवधिमा जिल्लाका विभिन्न स्थानमा भएका १४ वटा आगलागीका घटना भएको जिल्ला प्रहरी कार्यालय झापाले जनाएको छ । आगलागीमा परि एक जनाको ज्यान गएको छ । अर्जुनधारा १० को दुई रिङ्गेमा भएको आगलागीबाट ७३ बर्षीया दिलकुमारी राईको मृत्यु भएको थियो ।

आगलागीबाट चौपाया तथा धान परालसमेत नष्ट भएको जिल्ला प्रहरी कार्यालय झापाका सूचना अधिकारी डीएसपी खगेन्द्रप्रसाद रिजालले जानकारी दिए ।