बिर्तामोड । जिल्ला प्रहरी कार्यालय झापाले विभिन्न स्थानबाट बरामद गरेको दुई सय सतहत्तर बण्डल विष्फोटक पदार्थ नष्ट गरेको छ । शनिबार विहान प्रहरीले ७ लाख ९५ हजार आठ सयको विष्फोटक पदार्थ नष्ट गरेको हो ।

जिल्ला प्रहरी कार्यालय झापा परिसरमा ती विष्फोटक पदार्थ खाल्डोमा राखेर पानी हालिएको थियो । जिल्ला प्रहरी कार्यालयबाट खटिएको प्रहरी टोलीले बरामद गरेको ६ लाख ४५ हजार पाँच सय, इप्रका काकरभिट्टा मार्फत ६० हजार, इप्रका केचनामार्फत ४८ हजार पाँच सय, इप्रका जलथलमार्फत ४१ हजार आठ सय र अन्य १ लाख ५० हजार तीनसय मुल्य बराबरका ती विष्फोटक पदार्थ बरामद भएको जिल्ला प्रहरी कार्यालय झापाका सूचना अधिकारी डीएसपी खगेन्द्रप्रसाद रिजालले जानकारी दिए । 

तिहारको  अवसरमा नेपालको विभिन्न नाकामार्फत भारतबाट ठूलो मात्रामा पटका तथा प्रज्वलनशिल पदार्थ भित्र्याउने गरिएको भएपनि प्रहरीले भने केहि मात्र बरामद गर्ने गरेको छ । प्रहरीले सीमा नाकामा कडाई गरेको बताएपनि गाउँ शहरमा भने त्यस्ता बिष्फोटक पदार्थ प्रशस्त मात्रामा पड्काउने गरिएको छ ।