बिर्तामोड । प्रधानमन्त्री पुष्पकमल दाहाल ‘प्रचण्ड’ मन्त्री निवास पुल्चोक पुगेका छन् । उपप्रधान तथा गृहमन्त्री नारायणकाजी श्रेष्ठको स्वास्थ्य अवस्थाबारे जानकारी लिन त्यहाँ पुगेका हुन् ।

प्रधानमन्त्री दाहालले मन्त्री निवासमा पुगेर उपप्रधानमन्त्री श्रेष्ठसँग केहीबेर कुराकानी गरेपछि उनको स्वास्थ्यलाभको कामना गरेका छन् ।

चीन भ्रमणको क्रममा गृहमन्त्री श्रेष्ठलाई कात्तिक १ गते बेइजिङमा हृदयाघात भएपछि स्थानीय पेकिङ युनियन मेडिकल कलेजमा उपचार गरिएको थियो ।

उनी अस्ति अस्पतालबाट डिस्चार्ज भएर बेइजिङबाट छन्तु हुँदै आज बिहान ११ बजे काठमाडौं आइपुगेका थिए  ।