बिर्तामोड । सोलुखुम्वुको खुम्वुपासाङ गाउँपालिका ४ स्थित लुबुचेमा खाध्यान्न बोकेको हेलिकप्टर दुर्घटना भएको छ । आज बिहान ७ बजेर ११ मिनेटमा लुक्ला हेलिप्याडबाट खाधान्नको सामग्री बोकेर लुवुचे तर्फ उडेको मनाङ एयरको नाइन एनएनजे कलसाइन भएको हेलिकप्टर ०७:२५ बजेको समयमा दुर्घटना भएको हो ।

हेलिकप्टर दुर्घटना हुँदा पाइलट काठमाण्डौ महानगरपालिका ५ टंगालका ५४ बर्षीय प्रकाश सेढाई घाईते भएको प्रहरीले जनाएको छ । उनलाई उद्दार गरी फिष्टेल एयरको हेलिकप्टरद्वारा उपचारको लागी ह्याम्स हस्पिटल काठमाण्डौको लगिएको छ । हेलिकप्टरमा अन्य यात्रु नभएकोले मानवीय क्षति नभएको जनाइएको छ ।