बिर्तामोड । द्वन्द्वग्रस्त मुलुक इजरायलबाट उद्धार गरेर नेपालीहरुलाई स्वदेश ल्याइएको छ । शुक्रवार बिहान करिब ३ बजे उनीहरु काठमाण्डौस्थित त्रिभुवन अन्तर्राष्ट्रिय विमानस्थलमा अवतरण भएका हुन् ।

राष्ट्रिय ध्वजाबाहक नेपाल वायुसेवा निगमको चार्टर उडान लिएर परराष्ट्रमन्त्री एनपी साउद स्वयं बिहीबार इजरायल पुगेका थिए ।  इजरायलका विभिन्न स्थानबाट उद्धार गरिएका २५४ नेपालीलाई लिएर  फर्किएको विमान शुक्रबार बिहान काठमाण्डौ अवतरण गरेको हो ।

निगमको आरए २२९–२३५३ जहाज वरिष्ठ क्याप्टेन श्रवण रिजालको नेतृत्वको टोलीले उढाएको थियो ।

विमानमा सुदूरपश्चिम विश्वविद्यालय, कृषि तथा वन विज्ञान विश्वविद्यालय र त्रिभुवन विश्वविद्यालयका  विद्यार्थीहरु छन् ।

नेपाल अवतरण गरेका उनीहरुले आतंकवादीहरु पब्जी गेममा जस्तै प्यारासुटमा झरेर अन्धाधुन्ध गोली प्रहार गरेको बताएका छन् । वी आर नेपाली -हामी नेपाली हौँ _ भन्दापनि आतंकवादीहरुले नछाडेको उनीहरुले बताए । तीन दिन कष्टकर जीवन बिताएर नेपाल फर्किएका उनीहरुले नेपाल सरकारलाई धन्यवाद दिएका छन् ।