दमक । झापाको दमकमा आज बिहान दुई समूहबिच ग्याङ फाइट भएको छ । ग्याङ फाइटमा छुरा प्रहारहुँदा एकजनाको मृत्यु भएको छ ।

आज बिहान ४ बजे दमक– १ कुमाल चौकमा दमक ७ हाटखोला र इलाम चुलाचुलीका युवाहरुबीच ग्याङ फाईट परेको हो ।

घटनामा परी चुलाचुली गाउँपालिका ३ बस्ने ३८ वर्षिय गोविन्द लिम्बूको मृत्यु भएको हो । दमक १ कुमाल चौकमा दमक ७ बस्ने २५ वर्षिय सनम राईले लिम्बूलाई छुरा प्रहार गरेका थिए । लिम्बूलाई एक्कासि छुराले घाँटी ,पाखुरामा प्रहार गरी सख्त घाईते बनाएकोमा घाईतेलाई तत्काल उपचारको लागि लाईफलाईन अस्पताल दमक लगेकोमा अस्पताल पुर्याउनासाथ डाक्टरले मृत घोषणा गरेका थिए ।