बिर्तामोड । झापा क्षेत्र नम्बर १ मा नेपाली कांग्रेसका उम्मेदवार विश्वप्रकाश शर्मा ११ हजार ६१५ मतले अगाडी छन् । शर्माले ३१ हजार ११५ मत प्राप्त गरेका छन् भने उनका निकटतम प्रतिद्वन्दी नेकपा एमालेका अग्नीप्रसाद खरेलले १९ हजार ५०० मत प्राप्त गरेका छन् ।

सो क्षेत्रमा ८७ हजार ३९६ मत खसेकोमा ६३ हजार २ मत गणना भइसकेको छ भने २४ हजार ३९४ मत गणना हुन बाँकी रहेको निर्वाचन अधिकृतको कार्यालयले जनाएको छ ।

प्रदेशसभा तर्फ १ मा नेपाली कांग्रेसका गोपाल तामाङले १२ हजार २७४ मत प्राप्त गरेका छन् भने नेकपा एमालेका रविन कोइरालाले १० हजार ६७७ मत प्राप्त गरेका छन् । सो क्षेत्रमा २७ हजार ७५ मत गणना भइसकेको छ ।

त्यस्तै प्रदेशसभा क्षेत्र २ मा राष्ट्रिय प्रजातन्त्र पार्टीकी सबिना बजगाईले ८ हजार ९४० मतसहित अग्रस्थानमा छिन् भने नेकपा माओवादी केन्द्रका श्यामविर लिम्बू ८ हजार २५१ मतसहित दोस्रो स्थानमा छन् । सो क्षेत्रको २१ हजार ९७४ मत गणना भइसकेको छ ।