धनगढी । नेपाली कांग्रेसका सभापति शेरबहादुर देउवाले नेपालमा राजतन्त्र फर्किने कुनै माहाेल नभएकाे बताएका छन् ।
उनले साेमबार धनगढी विमानस्थलमा संचारकर्मीसँग कुरा गर्दै हल्ला गरेर केही नहुनेसमेत बताएका छन्।
देशभर राजतन्त्रका पक्षमा माहाेल बढेकाे छ नि भन्ने संचारकर्मीकाे जिज्ञासामा पुर्वप्रधानमन्त्री देउवाले भने,’कुनै माहाेल बनेकाे मैले देखेकाे छैन, त्याे हल्ला मात्र हाे।’
साथै, गठबन्धनको प्रसंगमा बोल्दै देउवाले वर्तमान सरकारमा कुनै समस्या नभएकाे बताउँदै याे गठबन्धन २०८४ सम्म कायम रहने उल्लेख गरे।
कांग्रेसकाे १५औं महाधिवेशन समयमै हुने सभापति देउवाकाे भनाई छ। सभापति देउवा कांग्रेस सुदूरपश्चिम प्रदेश सम्मेलन उद्घाटन गर्न अधिकांश केन्द्रीय नेतासहित धनगढी आएका हुन्।