बिर्तामोड । नेपाली कांग्रेसका सभापति शेरबहादुर देउवाले उद्योग तथा व्यापार विभागमा १) जना सदस्य मनोनित गरेका छन् । उनले झापाबाट सञ्जीव घिमिरेलाई सदस्यमा मनोनित गरेका हुन् ।

घिमिरे नेपाली कांग्रेसका नगर सदस्य तथा बिर्तामोड उद्योग वाणिज्य सङ्घका पूर्व उपाध्यक्ष हुन् । अलैची व्यवसायी महासङ्घको केन्द्रीय सदस्य समेत रहेका घिमिरे लामो समयदेखि उद्योग तथा व्यापारको क्षेत्रमा आबद्ध छन् ।

मनोनित हुने अन्य सदस्यहरूमा खगेश्वर बोहरा (कञ्चनपुर), मीनबहादुर भण्डारी (जुम्ला), ध्रुव खड्का (काठमाडौं), जमसेर अलि मियाँ (कपिलवस्तु), सिताराम परियार (काभ्रेपलाञ्चोक), शम्भुहरि बाँस्तोला (सोलुखुम्बु), जुनु गुरुङ (लम्जुङ), विजयकुमार सिंह (रौतहट) र राजीव श्रेष्ठ (काठमाडौं) रहेको नेपाली कांग्रेसका मुख्य सचिव कृष्णप्रसाद पौडेलले आज एक विज्ञप्ति जारी गरी जनाएका हुन् ।