बिर्तामोड । झापामा राष्ट्रिय स्वतन्त्र पार्टी (रास्वपा)का कार्यकर्ताहरूले प्रधानमन्त्री केपी शर्मा ओलीलाई कालो झण्डा देखाएका छन् ।

आइतबार झापाको मेचीनगर इट्टाभटा नजिक रास्वपाका कार्यकर्ताहरूले प्रधानमन्त्रीविरुद्ध कालो झण्डा देखाएर प्रदर्शन गरेका हुन् । प्रदर्शनकारीले राजनीतिक प्रतिशोध बन्द गर, प्रहरी दमन मुर्दावाद लगायतका नारा लगाएका थिए । त्यस्तै मेचीनगरमा समेत प्रधानमन्त्री विरुद्ध चर्को नाराबाजी गरेका थिए । केपी चोर देश छोड भन्दै उनीहरुले नाराबाजी गरेका थिए ।

विरोध प्रदर्शन गर्ने क्रममा प्रहरीले राष्ट्रिय स्वतन्त्र पार्टीका झापा क्षेत्र नम्बर ४ का सभापति शम्भु सुस्केरालाई नियन्त्रणमा लिएको थियो ।