बिर्तामोड । आगामी वैशाख १५ गते हुने उपनिर्वाचनमा दलहरुले डिजिटल प्रचारलाई प्राथमिकता दिएका छन् । प्रतिनिधीसभा सदस्यका लागि इलाम–२ मा हुन लागेको उपचुनावमा ठुला दलहरुले सामाजिक सञ्जालमार्फत प्रचारप्रसार गरिरहेका छन् ।

उनीहरुले विभिन्न किसिमका कन्टेन्टहरु बनाएर सामाजिक सञ्जालमा अपलोड गर्ने गरेका छन् । नेकपा एमाले, राष्ट्रिय स्वतन्त्र पार्टी, नेपाली कांग्रेस, पहिचानवादी समूहले उम्मेदवारसँग सम्बन्धि विभिन्न कन्टेन्टहरु तयार गरिरहेका छन् ।

रास्वपाका सहमहामन्त्री विपिनकुमार आचार्यको नेतृत्वमा प्रचार टीम खटिएको छ । नेकपा एमालेले प्रेस चौतारीका उपाध्यक्ष राजेश राईको नेतृत्वलाई प्रचारको जिम्मा दिएको छ ।

नेपाली कांग्रेसले व्यवसायीक फोटो तथा भिडियोग्राफरलाई नै फिल्डमा खटाएर कन्टेन्टहरु तयार गरिरहेको छ ।