चारआली । २९औँ जनयुद्ध दिवसको पुर्वसन्ध्यामा नेकपा माओवादी केन्द्रले देशका विभिन्न ठाउँमा दीप प्रज्वलन गरेको छ । तत्कालीन नेपाल कम्युनिस्ट पार्टी माओवादीले २०५२ साल फागुन १ गते ४० बुँदे माग राखेर जनयुद्ध सुरु गरेको उपलक्ष्यमा सोमबारसाँझ दीप प्रज्वलन गरेका हुन् ।

झापाको बिर्तामोड, काँकरभिट्टा, दमक र चारआलीमा सोमबार साँझ नेपालको नक्सा बनाई दीप प्रज्वलन गरेका हुन् । चारआलीमा आयोजित कार्यक्रममा नेपाल राष्ट्रिय कर्मचारी संगठन प्रदेश अध्यक्ष प्रेमप्रसाद पराजुलीले माओवादीको जनयुद्धपछि देशमा आमूल परिवर्तनको सम्भावना बढेको र जनताले न्यायोचित माग पूरा हुने क्रममा रहेको बताए । कार्यक्रममा मेचीनगरका अध्यक्ष राजन चिमरियाले देशको भौगोलिक संरचनाको अवस्था परिवर्तनसँगै जनताले सार्वभौम, स्वतन्त्र अधिकार पाएको बताए । उनले जनयुद्ध र २०६२÷०६३ को जनाआन्दोलन माओवादीले नै सफल बनाएकाले अब देशको आमूल परिवर्तन पनि माओवादीले नै गर्ने बताए । कार्यक्रममा मेचीनगर–१४ का वडाध्यक्ष बाबुलाल सुब्बालगायतले सम्बोधन गरेका थिए । कार्यक्रम चन्द्र बर्देवाले संचालन गरेका थिए ।