बिर्तामोड । आज तराईका अधिकांश भूभागमा हुस्सु र कुहिरो लागेको छ भने उच्च पहाडी तथा हिमाली भागमा हिमपात भएको छ । हुस्सु र हिमपातका कारण जनजीवन प्रभावित बनेको छ ।

तराईका अधिकांश जिल्लामा अत्यधिक चिसो बढेको छ । चिसोका कारण मानिसहरुमा स्वास्थ्य समस्या देखिने सम्भावना छ ।

हिमाली भेगमा भएको हिमपातका कारण मानिसहरु बाहिर निस्कन कठिनाई भएको छ भने पशु चौपायालाई पनि समस्या भएको छ ।

चिसोका कारण मानिसहरुमा रुघा, खोकी, दम, मुटु आदिको समस्या देखिने डाक्टरहरुले बताएका छन् । चिसोबाट बच्न न्यानो कपडा लगाउन, तातो र झोलिलो खानेकुरा प्रयोग गर्न, खुल्ला ठाउँमा नबस्न र आगो बाल्दा कोठाको झ्याल ढोका खुला राख्न सरकारले आग्रह गरेको छ ।