बिर्तामोड । राष्ट्रिय प्रजातन्त्र पार्टी -राप्रपा_का अध्यक्ष राजेन्द्र लिङ्देनले कोशी प्रदेशमा आफ्नो पार्टी प्रतिपक्षमै बस्ने बताएका छन् ।

सरकार गठनका लागि दुई पक्षको दावी परेकोप्रति प्रारम्भिक प्रतिक्रिया दिँदै उनले यस्तो प्रतिक्रिया दिएका हुन् । राप्रपाले मध्यावधि निर्वाचन नचाहेर विगतमा एमालेलाई साथ दिए पनि अब त्यो बाध्यता नभएको लिङ्गदेनले बताए ।

कोशीमा देखिएको राजनीतिक तथा संवैधानिक संकटले प्रदेशको औचित्य नरहेको प्रमाणित हुँदै गएको पनि उनको टिप्पणी छ । शुक्रबार विहान पदाधिकारी बैठक बोलाएको राप्रपाले यसबारे औपचारिक निर्णय गर्ने अनुमान गरिएको छ ।