बिर्तामोड । झापा क्षेत्र नम्बर २ बाट प्रतिनिधिसभा सदस्यका लागि स्वतन्त्र उम्मेदवारी दिएका भद्रप्रसाद नेपाल (स्वागत) ले आफुलाई उन्नत लोकतन्त्र पार्टीले कारबाही गरेर निष्काशनको बताएका छन । नेपालले शुक्रबार आयोजना गरेको पत्रकार सम्मेलनमा पत्रकारहरूको प्रश्नको जवाफ दिने क्रममा उन्नत लोकतन्त्र पार्टीले आफुलाई निष्कासन गरेकाले स्वतन्त्र भएको बताए ।
उन्नत लोकतन्त्र पार्टी २०७८ साल कार्तिक १४ गते निर्वाचन आयोगमा दर्ता भएको र त्यसको अध्यक्ष भद्रप्रसाद नेपालले स्वतन्त्र उम्मेदवारी दिएको भन्दै आलोचना भएको थियो । नेपालले आफू आवद्ध पार्टी निर्वाचनमा नजाने निर्णय गरेसँगै स्वतन्त्र उम्मेदवारी दिएको बताए ।
नेपालले आफू स्वतन्त्र उम्मेदवार भएकाले कुनै जनमत नभएको तर अन्य दलहरुमा भएका राम्रा मान्छेहरुले मत दिने बताए । उनले भने,'राष्ट्रघाती महाकाली सन्धिमा हस्ताक्षर गरेर देश डुबाउनेलाई मत हाल्दैनौँ भन्नू भएको छ, धनिपूर्जा वितरण गर्छु भनेर करोडौँ उठाएर त्यही रकमले चुनाव लड्न आटेकालाई भोट हाल्दैनौँ भन्नू भएको छ ।' कार्यक्रममा नेपालले आफ्नो प्रतिष्पर्धी नभएको बताउँदै ५१ प्रतिशत मत ल्याएर विजयी हुने घोषणा गरे ।
आफुले १२ बर्षदेखि जनतासामु घोषणा गरेका काम पूरा नगरे त्यो सांसदलाई फिर्ता बोलाउन पाउनु पर्ने राइट टु रिकल र आफुलाई मन नपरेको र फरक पार्टीका उम्मेदवारलाई मत हाल्न बाध्यपार्ने ब्यवस्था बिरुद्ध उम्मेदवारलाई नै मत हाल्न पाउने अधिकार राइट टु रिजेक्ट स्थापित गर्न प्रयासरत रहेको बताए ।